Karnataka Assembly inthlanpui neih turah Congress-in kum 5 chhungin hnathawh tur vbc 1 siamsak mipuite a tiam

Karnataka Assembly inthlanpui neih turah Congress-in kum 5 chhungin hnathawh tur vbc 1 siamsak mipuite a tiam. Congress President Rahul Gandhi chuan vawiin khan Mangaluru ah an party manifesto a tlangzarh a ni. Kum 47 mi Rahul Gandhi a’n Manifesto a tlangzarhna inkhawmah hian Karnataka Chief Minister nilai Siddaramaiah te, politician hlun Veerappa Moily, Mallikarjun Kharge leh hruaitu lawk dangte an tel a ni. Manifesto phek 44 a chhah kawmah hian Rahul Ganthi-a thlalak lian takin a chuang a, Rahul Gandhi chuan manifesto hi Karnataka mipuite aw lan chhuahna tur a ni a ti a, Siddaramaiah kaihhruai Karnataka Congress Sorkar chuan inthlan hmasa lama manifesto-a an thil tiam zaa 95 an tipuitling niin a sawi bawk. Karnataka inthlanna May ni12-a neih turah hian Congress tan BJP chu an bitum lian ber a ni dawn a, BJP hian kum 2008 khan hnehna an lo chang tawh a ni. Karnataka hi Congress sorkarna state pathum la awm zinga pakhat a ni.