Rahul Gandhi-a chuanna thlawhtheihna chu hlauhawm takin a thlawk niin sawi, pilot lakah thubuai thehlut

0
353
views

Delhi a\anga Karnataka pana Rahul Gandhi-a chuanna thlawhtheihna chu hlauhawm takin a thlawk nia sawiin, Congress Party in chhui chiang tura ngenna thuneitute hnenah an thlen. Rahul Gandhi chuanna thlawhna hi a tla hniam thut a, a sir zawngin a her leh thut thut bawk a, a thlawh lai hian khua a thiang \ha hle bawk niin Congress chuan an sawi a, tum lawk reng vanga thil tihah an puh a ni. Thlawhna khalhtu lakah FIR an thehlut a, Directorate General of Civil Aviation chuan he thil thlen chhan hi thlawhna auto pilot-a dahna lamah harsatna a awm vang nia sawiin, Pilot hian manual-a dah let hnuah thlawhna hi him takin a tum a ni an ti ve thung a, hetiang thil hi a thleng ve fo thin niin an sawi bawk. Police te chuan he thil thleng hi chhui chiang turin DGCA ah hian ngenna an thlen tawh tih an sawi.