Kathua pawngsual thubuai kal zelah J&K BJP Minister pahnih an bang

0
767
views

J&K Kathua-a kum 8 mi hmeichhe naupang pawngsual leh thah a nih chungchang thubuai kal zelah, pawikhawihtute hum tuma puh BJP Minister pahnih an hna a\angin an bang. Minister bang ta te hi State Industries Minister, Chandra Prakash Ganga leh Forest Minister, Lal Singh-te an ni a, anni pahnih hian pawikhawihtute man an ni chu an sawisel bakah, hmeichhe naupang pakhat thih vanga buai chiam an duh loh thu te pawh an lo sawi tawh \hin a ni. An chungchang hi State CM Mehbooba Mufti chuan Union Home Minister, Rajnath Singh pawh a lo sawipui tawh a, an khawsak dan a ngaihtheih loh thute pawh a hrilh tawh a ni. PM Narendra Modi pawhin hetiang thil ramchhunga a thleng chu pawi a tih thu leh pawm zam a nih loh tur thu a sawi ve bawk a, ram tan pawh thil zahthlak tak a nih thu te leh pawikhawihtute man chhuah ngei an nih tur thu te pawh a sawi a ni. UN Secretary General, Antonio Guterres pawhin he thil thleng hi a dem thu leh pawikhawihtute rorelna hmaa hruai ngei a ph<t thu nimin khan a sawi a ni.