US, Britain leh France te’n Syria sorkar sipai leh Science zirna hmun thenkhat an bei

0
420
views

US, France leh Britain ram sipai-te’n tukin khan Syria ram hmun hrang hrang an bei a, hei hi tunhnaia Syria sorkar-in chemical ralthuam a chelek nia sawi chhan l>tna a ni. US chuan Damascus khawpui bula Scientific Research Center leh Homs khawpui bula chemical ralthuam dah\hatna nia hriat hmun pahnih an bei tih a sawi a, Britain leh France Defense Ministry-te pawhin Syria-in chemical ralthuam a dah\hatna hmun nia an hriat an beih thu an sawi ve bawk a, Syrian Observatory for Human Rights hotupa, Rami Abdel Rahman pawhin Syria sipai hmun leh Science Center \hahnem tak missile hmanga tihchhiat a ni tih a sawi bawk. Russia chuan ram pathum-te’n Syria an bei chu dan kalh a nih thu leh nghawng \ha lo tak a neih tur thu a sawi a, US-a Russia sorkar palai pawhin US, Britain leh France thiltih chu chhan l>t ngei a nih tur thu a sawi bawk a, Syria sorkar thlawptu zing ami, Iran pawhin US leh a thurualpui ram-te hian Syria-in chemical ralthuam a hmang tih finfiahna an neih loh thu leh thu belhchian dawl lo chhuanlamin Syria an bei a ti ve bawk a, US-a eptu pawl, Democrats-te pawhin an ramin sipai chakna a hmang chhunzawm dawn a nih chuan an ram rorel khawl, Congress-in a remtih phawt a ngaih tawh thu an sawi ve bawk a ni.