Kolkata ah sa thi sa zawrh chhuah nia sawi a awm avangin mipui an chiai

Kolkata ah sa thi sa zawrh chhuah nia sawi a awm avangin mipui an chiai nasa hle a, he thil kaihhnawihah hian police ten mi 8 an man tawh a, a bik taka chhuitu tur Special Investigation Team din a ni bawk. Diamond Harbour Superintendent of Police Koteshwar Rao chuan sa zawhna hmun te pawh uluk taka dapa endik a nih thu sawiin, SIT hian he thil thleng hi a chhui zui mek a ni a ti. Police te chuan kar kalta khan tonne 20 chuang zet sa uih tawh, North Kolkata-a thil vawn thatna cold storage atangin an man a, heng sa te hi deparmental store hrang hrang leh hotel hrang hranga pek tura ruahman a ni a, a mawhphurtu te hi Police te chuan an man nghal a ni. Heng sa uih tawh leh chhe tawh te hi ram thenawm, Bangladesh leh Nepal lamah te pawh thawn chhuah nia sawi a awm bawk avangin Police te chuan an chhui zui mek a, sawi dan pakhatah chuan hetianga sa hrisel lo mipui te hnena hralhtute hian bawlhhlawh paihna hmuna ran thi paih te lakhawmin, cold storage ah an vawng tha a, Kolkata khawpui chhunga restaurant leh departmental store hrang hrangah an pe darh \hin a ni.