Mizoram pum huap Volleyball inelna, Thenzawl Summer Volleyball Tournament 2018-ah Thenzawl Vengthlang Volleyball Club an champion.
Thenzawl Zone Volleyball Association buatsaih Tournament hi Thenzawl Lothazawl Volleyball Court ah khelh a ni a, vawiin chawhnua Final khelhah Thenzawl Vengthlang Volleyball Club hian an bitum Control Volleyball Club, Aizawl te chu set 3 set 2 in an hneh a ni. Final inkhel hmuhnawm takah hian Vengthlang Volleyball Club hian set hnih an la hmasa a, Control Volleyball Club Aizawl in set hnih rawn la zawn ve lehin deciding match-ah Vengthlang Volleyball Club an chungnung ta zawk a ni. Champion team, Thenzawl Vengthlang Volleyball Club hian lawmman tangkafai cheng sing 4 an dawng a, Pahnihna Control Volleyball Club hian cheng sing 1 an dawng a, Semifinalist Team pahnih Birha Memorial Volleyball Club Kawlhawk leh H. Lalremsanga Memorial Volleyball Club te pawh lawmman tangkafai hlan an ni.
Kar kalta Thawhlehni a\anga khelh \an Thenzawl Summer Volleyball Tournament 2018 ah hian Aizawl, Lunglei, Champhai, Kolasib leh Serchhip District a\angin Volleyball Club 24 an tel a, Thenzawl Zone Volleyball Association President Pu C. Lalhmunliana kaihhruai kharna inkhawmah lawmman te hi Police Training School Thenzawl Principal Pu Lalsanglura leh mipawimawh dangten an sem a ni.
