Korean Centers for Disease Control and Prevention a mithiamte’n zirchianna an neih atangin COVID-19 vei enkawl dam tawh kai nawn leh ten midang an kai darh thei tawh lo a, an damloh nawn tawh loh nan taksa-a natna dolettu, antibodies an nei thei tih an sawi.

0
56
views

South Korea a COVID-19 damchhuah pui tawh, kai nawn leh mi 285 te an zirchian atangin midangah hri hi an kai darh tawh lo tih an finfiah a, virus chu zirchian tura laboratory-a culture theih a ni lo a, hemi awmzia chu coronavirus kai nawnah te chuan an taksa atanga virus chhuak a awm a nih pawhin midang tan a kai theih tawh loh a, virus chu a thi tawh tihna a ni.

An thil hmuhchhuah avang hian South Korea a damdawi lam hotute chuan hri kai enkawl dam tawhte chu hri kai darhtuah an chhiar tel tawh dawn lo tih an sawi.

He zirchianna hian ram inthlahdul tum mek te tan beiseina a siam a, social distancing thlahdul a nih hunah pawh heng mite hian an kai darh a hlauhawm tawh loh a ni.

Zirchianna hian antibody test chungchanga inhnialna awm thin-ah a puih theih a rinawm bawk a, mithiamte chuan antibody hian hri lakah engtin emaw tak mihring a pui thei niin an ring a, chiang takiin an la finfiah thei rih lo a ni.