Kual Lumpur-a muslim sikul kangah mi 24 thi

0
376
views

Malaysia khawpui, Kuala Lumpur-a sakhaw lam zirna sikul pakhat a kan avangin zirtirtu leh zirlai 24 an thi a, BBC sawi danin, he sikul, Tahfiz Darul Quran Ittifaqiyah hi t<kin khan a kang a ni. Kang\helh pawl hotu, Khirudin Drahman chuan he sikul kang hi kum 20 vel chhunga Malaysia rama kangmei chhuak rapthlak ber pakhat niin a sawi a, tukverhah tlâk dal vuah vek a nih avangin, kangmei tuarte hi insaseng thei lovin an tang niin a sawi. Police-te chuan kang hlumte hi zirlai, mipa hlir, kum 13 leh 17 inkar mi 22 leh thawktu 2 niin an sawi a, mi dang 10 pawh an hliam avangin damdawi in panpui an ni a, an zinga 4 chu an na hle niin an sawi. He sikul kan hun hi an rama t<kin dar 5:40-ah khan a ni a, zirlaite riahna pindan a kang hmasa a, hetiang Muslim sikul-ah hian zirlaiten Koran an zir \hin a, sikulah hian an cheng nghal deuh zel a ni. Ruang awm dan a\angin, an zinga engemawzat chuan tukverh a\anga zuan chhuah an tum tih a hriat theih a, kangmei chhuah chhan hi hriat ni chiah lo mah se, electric kal sual emaw, thosi venna an hal a\anga chhuak emaw a nih rin a ni. Kum 2015 a\ang khan Malaysia rama Muslim sakhaw thil zirnaah hian kangmei, vawi 29 a chhuak tawh niin Minister pakhat chuan a sawi a, thuneituten hetiang sikul hi an ngaihven a \ul hle tih sawiin, kangmei chungchang b^kah, sikul pakhatah pawh zirlai pakhat chu an zirtirtu-in a vaw hlum ringawt tawh niin a sawi. Kuala Lumpur Police hotu, Amar Singh-a chuan, ruang hi a kang chhe hneh hlawm hle tih sawiin, kangmei chhuahna pindanah hian kawngka pakhat chauh a awm niin a sawi a, PM, Najib Razak chuan he thil thleng hi pawi a tih thu a sawi a ni.