Kutziak chhiat vangin khawl hmanga exam mai ngaihtuah

0
564
views

Computer hman nasat a nih hnuah, zirlaite kutziak a chhiat sâwt em avangin khawvela University hmingthang ber pakhat, Cambridge University chuan kum 800 chuang an lo tih tawh, kutziak ngeia exam chu khawl – laptop leh iPad hmanga thlak tawh mai tur a ni em, tih a ngaihtuah mek. He University-a thawkte chuan, zirlaiten computer an hman nasat tawh avang hian, an kutziak chhiar a harsa hle tawh tih sawiin, class-ah pawh note lâk nan laptop an hmang nasa tawh tih an sawi a, History zirtirtu pakhat, Dr Sarah Pearsall chuan, tunah chuan kutziak hi hmanlai thilah a chang \an ta nia sawiin, kum 15 vel kal taah kha chuan zirlaiten ni tin, darkar tam tak, an kut ngeiin lehkha an ziak a, tunah chuan an ziah pawhin, rei lo te-ah an kut a kham thuai a, an kutziak chhiar a harsa ta hle niin a sawi.