Kum 1993 Mumbai beihna-a mawhphurtu zinga mi, thi tura a chungthu rel sak Tahir Merchant chu tukin khan Pune damdawiin ah a thi

Kum 1993 Mumbai beihna-a mawhphurtu zinga mi, thi tura a chungthu rel sak Tahir Merchant chu tukin khan Pune damdawiin ah a thi. Merchant hi Tahir Takla tia hriat a ni a, a awm na a tih avangin Sasssoon Hospital ah zing dar 3 ah luhpui a ni a, Doctor ten an enkawl laiin a thi tih Police ten an sawi. Tahir Merchant hi Yerawada jail ah tan tir a ni a, Abu Dhabi a\anga India rama hruai luh a nih hnuah kum 2010 khan CBI ten an man a ni. Police te sawi danin Merchan hi mumbai beihna tura sum ngaihtuahtu a ni a, ruahmanna siamtu Tiger Memon leh Dawood Ibrahim te nen pawha inzawm nghet tak an ni. kum 2007 khan anti terror TADA Court in lemchan thiam Sanjay Dutt tiamin mi 100 zet thiam loh a chantir a, nikum September thla khan Special Court chuan Tahir Merchant leh Firoz Khan te chu thi turin an chungthu a rel a, Abu Salem leh Karimullah Khan te chu dam chhung lun in tang turin an chungthu a rel bawk a ni.