Shillong Times chanchinbu editor Patricia Mukhim chenna in-ah bomb puak

0
243
views

Shillong Times chanchinbu editor Patricia Mukhim chenna in, Meghalaya Umpling-ah mi tu tih hriat lohvin bomb a ti puak a, thi leh hliam erawh an awm lo. Nizan dar 8 leh a chanve vel khan motorcycle-a chuang, hmai tuam mi pahnih helai velah hian hmuh an ni a, petrol bomb an ken chu Pi Mukhim mut pindan tukverh ah an vawm lut a ni. Superintendent of Police Davis Marak chuan he thil thlenna hmun hi a tlawh nghal a. pawikhawih tumtute hi police ten an chhui zui mek a ni. Pi Mukhim hi Padma Shree chawimawina lo dawng tawh a ni a, chanchinbu lamah a thawh hlawk hle a, hetiang thil hi a la tawng ngai lo tih a sawi. Shillong Press Club chuan he thil thleng hi an dem thu sawiin, chanchinbumite himna vawnhim \ul an tih thu an sawi nghal a, Press club President Davin Laitphlang chuan pawi khawihtute chu Police ten an man chhuah thuai a phut thu a sawi.