Kum 2014-a BJP President Amit Shah laka tualthah thubuai a ngaihtuah laia thi Judge BH Loya tih dan chu thih dan pangngai a ni tih Supreme Court-in a sawi

0
316
views

Kum 2014-a BJP President Amit Shah laka tualthah thubuai a ngaihtuah laia thi Judge BH Loya tih dan chu thih dan pangngai a ni tih Supreme Court-in a sawi a, he thihna thlen dan hi chhui nawn a ni dawn lo tih a sawi. Judge BH Loya thih dan chhui nawn tura ngenna thehluh chu mipui vantlang rilru chawhbuai tumna leh dan rorelna beihna a ni tih Supreme Court chuan a sawi. Mumbai Judge dang 4, BH Loya bula awm ve te thusawi behchhanin Chief Justice Dipak Misra kaihhruai Supreme Court Bench chuan BH Loya thihna thleng chhui chian ngenna chu court zah lohna a ni a ti a, BH Loya chu thih dan pangngaia thi a ni a ti bawk. Kum 48 mi Judge Loya hi Sohrabuddin Sheikh in kahna lem chungchang a ngaihtuah laiin Maharastra Nagpur ah lungphu chawl vangin a thi a, he thubuaiah hian Amid Shah chu inhnamhnawiha puhte zingah a tel a, Loya thlaktu Judge chuan he thubuaiah hian Amid Shah a inhnamhnawih tih finfiahna a awm lo tiin a thubuai hi a hlih sak a ni.