Aizawl khawpui chhung a hmun rem lo leh kham pang, insak nana hlauhawm ni a ngaihah te AMC in insak phalna a pek tawh leh a pek thar te zirchiangin vawiin khan Central YMA study team in AMC office an tlawh.
Central YMA General Secretary Lalhmachhuana kaihhruai Central YMA study team hian AMC Commissioner Dr. H. Lalthlangliana kawmin thil awmdan an sawipui a. AMC hian hmun awih hlauhawma a ngaihahte chuan Geology and Mineral Resource department hotuten an zirchian hnua hlauhawm lo leh insak ngamna nia an ngaihah te chauh insak phalna hi an pe niin an lo hrilh a ni. Durtlang kham leh chaltlang kham restricted area-a puan tawh-ah in sa lui an awm em tih te pawh YMA Study Team hian an zawtfiah a, lehkhapawimawh zirchian zui turte RTI dan hmangin an dil nghal a ni.
