Laloo Prasad Yadav-a fanu thlâm khawih theih lohvin siam

0
666
views

Bihar CM hlui, Laloo Prasad Yadav-a fanu, Rajya Sabha member, Misha Bharti-i thlâm, Delhi-a mi chu Enforcement Directorate-in khawih theih lohvin a siam a, Laloo-a fapa, Bihar Dy CM hlui, Tejashwi Yadav-a in, Delhi-a mi vek pawh nimin khan income tax department-in khawih theih lohvin a siam bawk. IT Officer pakhat chuan, Tejashwi Yadav-a in, D-1088, New Friends Colony-a mi hi Benami Transactions (Prohibition) Act tlawh chhanin khawih theih lohva siam a ni tih a sawi a, June thla khan he in, AB Exports hminga dah chungchangah hian IT Dept. hian khuahkhirhna thup>k a lo chhuah tawh bawk a, he in neitu dik tak chu Lalu Yadav-a fate pathum – Tejashwi, Ragini leh Chanda Yadav niin a sawi. He in hi cheng vbc. 40 man vel nia chh<t a ni a, Delhi leh Patna-a Laloo-a te chhungkaw in leh an thil neih dangte pawh hetiang hian khuahkhirh leh a nih rin a ni. Sorkar thup>kah chuan Laloo-a nupui, Bihar CM hlui, Rabri Devi leh a fanute pathum – Misha Bharti, Chanda Yadav leh Ragini Yadav, a fapa Tejashwi Yadav leh an makpa, Shailesh-a chu heng in hrang hrang neitute zingah hian an tel nia tarlan a ni a, an in \henkhat hlutna hi cheng vbc. 170 vel a tling nia chh<t a ni. Danapur-a an ram pakhat, Delight Marketing Pvt Ltd hminga an dah pawh cheng vbc. 60 hu vel a ni a, a neitu dik tak chu Tejashwi leh Rabri Devi nia hriat an ni a, Patna-a Phulwari Sharif-a an ram pakhat, AK Infosystem Pvt Ltd hminga dah pawh anni nufa ta bawk hi niin IT Dept. chuan a sawi.