University of California, Berkeley-a a thusawi vangin Rahul Gandhi sawisel

0
430
views

America rama kar hnih cham tura zin, Congress Vice President, Rahul Gandhi-a chuan University of California, Berkeley-ah thu a sawi a, PM, Narendra Modi-a’n ram sum leh pai a enkawl dan chu na taka sawiselin, chhiah lak dan kalphung thar, Goods and Services Tax leh tangka note lian pahnih tihtawp chu India sum dinhmun tlakchhiat chhanah a puh a ni. Kum 47 mi, Pu Gandhi-a hian, sorkarin Rs 500 leh Rs 1,000 note a tihtawp khan, Chief Economic Advisor leh Parliament a rawn hmasak loh vangin ramin a tuar ta niin a sawi a, ni tin \halai 30,000 velin hna an zawng nia sawiin, ram mipuite thinurna a zual zel niin a sawi bawk. Union Minister, Smriti Irani-i chuan Rahul Gandhi-a chu hruaitu ni tlak lo, khawvel pum huap zirna in sanga politics lama a hlawhchhamna sawi lan pawh hreh lo-ah a puh nghal a, ram hmangaih vang ni lo, chhungkaw inthlah chhawnna hmanga rorel zel tumna chu India ramah a tawp tawh tih, hetiang chhungkuaa mi ngeiin ram dangah a zu aupui nia sawiin, tunah chuan, tun hma anga thlahtu ropui kal zelte rorelna kha a tawp tawh avangin, chhungkaw tlawm te te a\anga harsa taka lo ding chhuakte chu India ram President, Vice President leh PM an ni ta niin a sawi.