Lalu Prasad-a’n Patna khawpuia vantlang inkhawm a huaihawt turah Congress President leh BSP hruaitu tel tum lo

0
381
views

Rashtriya Janata Dal hruaitu leh Bihar CM hlui, Lalu Yadav Prasad-a’n Pathianni lo awm tura Bihar khawpui, Patna-a Gandhi Maidan-a vantlang inkhawm a huaihawt turah Congress President, Sonia Gandhi leh Bahujan Samaj Party hruaitu, Mayawati chuan tel an tum lo a, kum 2019-a Lok Sabha inthlan lo awm tur thlira vantlang inkhawm neih turah hian sorkar laipui sawiselna leh BJP lak atanga ram chhanchhuah tumna chu an thupui ber tur a ni a, Pu Lalu-a hian eptu party hrang hrangte an tanrual leh zual theih nana a tih nia sawi a ni. Pu Lalu-a chuan he vantlang inkhawmah hian West Bengal CM leh Trinamool Congress hruaitu, Mamata Banerjee, Congress hruaitu, Ghulam Nabi Azad leh C.P. Joshi bakah Janata Dal (United) hruaitu, Sharad Yadav an tel dawn niin a sawi a, Bihar-ah tui lian a zual zel avangin Deputy CM, Sushil Modi-a chuan vantlang inkhawm hun hi sawn turin Pu Lalu-a hi a lo hrilh tawh a, mi thenkhat chuan Congress President leh BSP hruaitu an tel dawn loh avang hian he vantlang inkhawm hi a hlawhchham an ring a ni.