Rel chetsualna thleng ngun vangin Railway Board Chairman, AK Mittal a bang a, Railway Minister, Suresh Prabhu pawhin ban a inpeih thu a sawi

0
614
views

Ni nga chhung leka rel chetsualna vawi hnih a thlen avangin nimin khan Railway Board Chairman, AK Mittal-a chu a bang a, Railway Minister, Suresh Prabhu pawhin heng thilah hian mawhphura a inngaih thu sawiin, ban a inpeih thu, PM hnenah a thlen tawh a, ani pawh hi chawlhtir a nih rin a ni. Hemi hma hian Railway Board-a member (Engineering) pawh chawlhtir a lo ni tawh a, Railway Board Chairman thar atan hian Air India CMD, Ashwani Lohani chu ruat nghal a nih avangin, Air India CMD hna lo hmui tur hian Petroleum and Natural Gas Ministry-a Additional Secretary leh Financial Adviser, Rajiv Bansal chu ruat a ni. Suresh Prabhu-a’n a enkawl hnuah hian rel chetsualna hi a tlem sâwt hle a, sorkar hmasa hun lai nena khaikhinin ziaawm hle mah se, tun hnaiah chetsualna hi a thleng ta zeuh zeuh a ni.