Lalu Prasad Yadav-a chu Delhi-a CBI pisa-ah thu zawhfiah a ni

0
301
views

Bihar CM hlui leh Rashtriya Janata Dal hruaitu, Lalu Prasad Yadav-a chu vawiin khan Delhi-a CBI pisa-ah thu zawhfiah a ni a, Patna-a hmun pakhata thil zawrhna hmunpui sak chungchanga a inhnamhnawih dan an zawt chiang a, naktukah a fapa, Tejashwi Yadav-a pawh an ko leh nghal dawn a ni. Puan tawh angin, kum 2006-a Railways Minister a nih lai khan Pu Lalu-a hian company pahnih hnenah hotel enkawl phalna a pe nia sawi a ni a, hemi avang hian in hmun zau tak a dawng nia sawi a ni a, Pu Lalu-a hi thamna la-ah leh a thuneihna hmang sualah puh a ni. CBI chuan laloo-a hi thu zawh fiah atan \um thum a lo ko tawh a, tun hi a inlan vawi khatna a ni a, Pu Lalu-a tan hian zawhna pawimawh tak tak 100 vel an buatsaih lawk nia hriat a ni.