Lalu-te pafa CBI in thu zawt fiah dawn

0
310
views

Eirukna thila inhnamhnawiha puh, Bihar CM hlui leh Rashtriya Janata Dal hruaitu, Lalu Prasad Yadav-a leh a fapa, Bihar Deputy CM hlui, Tejashwi Yadav-a chu CBI-in thla leh ni 3 leh ni 4-ah thu zawh fiah atan a ko dawn a, Pu Tejashwi-a hi vawiin khan thu zawhfiah atana koh ni mah se CBI hmaah a inlan lova, hun pek belh a dil nia sawi a ni. Puan tawh angin, kum 2006-a Pu Lalu-a Railway Minister a nih lai khan, Indian Railways hnuaia company, Indian Railway Catering and Tourism Corporation-in a enkawl, Jharkhand-a Ranchi khawpui leh Odisha-a Puri khawpuia rel dinna bula hotel chu company pakhat, Sujata Hotel hnenah hlan chhawn a ni a, Pu Lalu-a hian hotel pahnih aiah company dang hmangin Patna-ah in hmun zau tak a dawng nia sawi a ni a, hemi chungchangah FIR thehluhah RJD hruaitu hi a thuneihna hmang suala puh a ni a, Sujata Hotel neitu, Vinay leh Vijay Kochhar-te chu hleihluak taka duhsakah leh thamna la-ah puh a ni.