Sonia Gandhi-in Bihar Congress hruaitu ban

0
334
views

Bihar-a Congress party hruaitu, Ashok Choudhary-a chu Congress President, Pi Sonia Gandhi-i’n a ban a, hemi hnu hian thuthar lakhawmtute hmaah Congress chu amah timualpho-ah puhin, hnam hnuaihnung, Dalit mi a nih avangin dimdawina tel lo-in party hruaitu a nihna a\angin an ban niin a sawi. Pi Sonia Gandhi-i hian nizan khan kum 49 mi, Pu Choudhary-a hi Bihar-a party hruaitu a nihna a\angin a ban a, kar eng emaw zat liam ta khan Congress Vice President, Rahul Gandhi-a chuan he state-a party MLA-te chu hmuin, MLA 27 zinga 20 vel lungawi lohna thu a ngaihthlak hnuah, Pu Choudhary-a hi thlak a nih tur thu leh, Rashtriya Janata Dal hruaitu, Lalu Prasad Yadav-a chu party-in a thawhpui loh tur thu a sawi a, hemi hnu hian Pu Choudhary-a ban a nih hriattirna hi chhuah a ni. Kum li chuang Bihar Congress hruaitu lo ni tawh, Pu Choudhary-a hian a \ul a nih chuan ban a hnial loh thu leh, an party tihhmingchhiat a duh ngai loh thu sawiin, Congress mi rinawm leh hlun a nih angin zahawm taka party chhuahsan a duh thu a sawi a, puan tawh angin, Bihar-a eptu pawl \angrual, Grand Alliance keh darh chungchangah khan Pu Choudhary-a hian Congress hruaitute chu an tih tur ti lo-ah leh, an \anrualna keh darh tur veng tura thawkrim tawk lovah a puh a, hemi chungchanga a lungawi lohna hi Pu Rahul Gandhi-a hnenah a thlen a ni. Pu Choudhary-a hi an party MLA eng emaw zatin an thlawp nia hriat a ni a, hei vang hian Congress party hi a phel thei mai dawn nia sawi a awm a, Pu Choudhary-a hian party tihphel a tum loh thu sawi mah se, amah thlawptu MLA-te’n state CM, Nitish Kumar-a hmuin, rorel lai party, Janata Dal United emaw BJP emaw zawm an tum nia sawi a ni.