Tun hnaia US, Las Vegas-a mi 58 kap hlumtu, Stephen Paddock-a ngaihzawng nia hriat, Marilou Danley chuan Philippines a\angin United States a thleng a, Police-ten thu zawh fiah atana an koh avangin nizan khan Los Angeles a thleng a ni. Police te chuan, Paddock-a hian Pathianni-a pawi a khawih hma khan a ngaihzawng nia hriat hnenah hian dollar nuai khat a thawn niin an sawi a, hemi hnu hian Las Vegas-a concert entute chu a pawng kah ta chiam a, mi 58 an thi a, mi dang 500 chuang an hliam bawk a ni. Kum 64 mi, Stephen Paddock-a hi a hna a\anga chawl tawh a ni a, a thlenna, Mandalay Bay Hotel-a a pindan a\angin mipuite hi a pawng kah chiam a, a hmaa nungchang \ha lo pawh a nih ngai loh avangin, tun hnaia US chanchina mimal pawi khawihan rapthlak ber thlentu a nih chhan hi an la hre thei lo a ni. A ngaihzawng nia sawi, Marilou Danley hi September thla chawhnu lam a\ang khan Philippines ramah hian a awm a, a laizawnte sawi dan chuan, Philippines rama a kalna tur ticket hi Stephen Paddock-a hian a leisak vek a, pawi khawih a tum avang hian a insasengtir nia an rin thu an sawi. Philippines’ National Bureau of Investigation chuan, dollar nuai khat thawn chungchang hi an chhui chiang mek a, a laizawnte pawhin pawisa hi a thawn ngei niin an sawi bawk a.
Stephen Paddock-a te unau zinga naupang ber, Eric Paddock-a pawhin a u hian Danley hi a hmangaih hle niin a sawi. Danley hi kum 62 mi, Australia khua leh tui, Philippines rama piang nia hriat a ni a, kum 1980 chho-ah khan Queensland-ah pasal neiin kum 10 vel a awm a, chumi hnuah America ramah l<tin, America mi, Geary Danley nen an innei leh a, 2015 khan an in\hen a ni. Stephen Paddock-a khan pawi a khawih dawnah khan a thlenna hotel pindan chhung leh a chhehvelah thlalakna tam tak a kam niin Police te chuan an sawi a, a \hen chu amah man tura Police an kal leh kal loh enna te a ni a, a pawi khawih chhan hi hriat la ni lo mah se, kawng hrang hrangin a inbuatsaih nasa hle tih chu a hriat theih nia ngaih a ni
