Las Vegas concert chhimtu mi 50 chuang kaphlumtu chhui chiang mek, Las Vegas leh Marseille-a beih tawkte pualin Eiffel Tower eng ti thim

0
292
views

Las Vegas khawpuia concert buatsaih chhima kal, mi 59 vel kap hlumtu, kum 64 mi, Stephen Paddock-a chanchin chu police-ten an chhui chiang mek a, a awmna hotel pindan an dapnaah silai 23 hmuh a ni a, Nevada-a a chenna inah ralthuam leh puak thei thil eng emaw zat an hmu bawk. Islamic State chuan Paddock-a hian Muslim-a a inleh hnuah an pawl a zawm nia sawiin, Las Vegas-a pawi khawihna hi an pawl tihah an chhal a, amaherawhchu Police-te chuan Paddock-a chet dan hian mi firfiakte ch>tna nen inkungkaihna a nei lo niin an sawi a, mi \henkhatin a rilru buai vang nia an sawi chu finfiah a la nih loh avangin pawm theih a la ni lo niin an sawi bawk. Paddock-a hi sumdawng hausa nia sawi a ni a, tun hmain dan bawhchhiatna leh dan kalh zawnga thil tih a neih hriat a ni lo a, a unaupa, Eric Paddock-a chuan a chet dan chu mak a tih thu sawiin, eng rilru pua ti nge a nih pawh a ngaihtuah thiam lo niin a sawi a ni. Puan tawh angin, US sanaa Pathianni zan dar 11:08 khan Paddock-a hian Las Vegas-a country music kutpuia concert buatsaiha kalte chu a bula hotel pakhat, Mandalay Bay a\angin a pawng kah chiam a, mi 59 vel an thih bakah mi dang 500 chuang an hliam bawk a, Police-ten an man hmain amah leh amah inkap hlum nghal a ni.
———-

Nimina US-a Las Vegas khawpui leh France-a Marseille khawpuia pawi khawihnaa thite pualin, Eiffel Tower-a eng zawng zawng chu nizan khan zankhuain tihthim a ni. Puan tawh angin, nimin khan Marseille khawpuiah pawh mi firfiak pakhatin rela chuan tum hmeichhe pahnih a that a, heng pawi khawihnate hi IS chuan an sipaite tihah an chhal a ni. Paris mayor, Anne Hidalgo chuan Marseille leh Las Vegas-a thite an hriat reng thu leh anmahni zahna lantirna atan, Eiffel Tower eng hi tihthim a nih thu a sawi a ni.