Lok Sabha fur thutkhawm chu vawiin khan tihtawp a ni ta a, he Monsoon Session chhung hian vawi 19 an thu khawm a, bill 14 pass a ni a, hemi chhung hian President leh Vice President thar thlan an ni bawk. Bawng talh khap chungchang leh mipui thinrim tharum thawh chungchang avang te, lo neituter harsatna leh Congress Vice-president, Rahul Gandhi chu Gujarat-ah BJP mi nia sawiten an tihbuai chungchangah nasa taka inauh buaina a thleng a ni. Speaker, Sumitra Mahajan chuan he sesssion-ah hian rorel inkhawm, darkar 71 neeih a ni thu a sawi a, darkar 29 leh minit 58 chu inauh buai avanga hloh a nih thu sawiin, he hun hloh hnawh khah nan hian darkar 10 leh minit 36 thutkhawm belh a nih thu a sawi. He session-ah hian tawngka-in zawhna 63 chhan a ni a, ziakin zawhna 4,370 chhan a ni bawk a, Minister-ten statement 1,270 an siam a, Private Members Bill 28 a awm bawk. He session chhung hian Congress MP 6 chu Speaker laka an chet mawi loh avangin ni nga chhung hrem an ni.
Chanchin Thar Lok Sabha fur thutkhawm zo
