Iran hian tun hnai lawk a\ang khan thlahpawlh mi engemawzat an lo hreng tawh a, an zingah British leh Iranian thlahpawlh Nazanin Zaghari Ratcliffe pawh a tel a ni.
Kar 10 vel liam ta khan hmeichhe pakhat leh a kawppui te chu chhan mumal awm lovin Iran-in a lo man tawh a, hetiang deuh hian hmeichhe pakhat pawh kum 10 chhung lung inah a dah bawk a ni.
Gulf-a tuialhthei phur lawng in man sakna tun hnaia a thlen \hin vangin UK leh Iran inkungkaihna a \ha lo chho zel a ni.
British leh Australian thlahpawlh hmeichhe pahnih an hrente hi Iran khua leh tui nihna nei lo zinga British passport nei, Iran-a hren hmasak ber nia ngaih an ni.
Australia sorkar chuan Iran-in a hren mi pathumte chhungkhat laina te chu a theih ang angin a \anpui tih a sawi.
An hren zinga hmeichhe pakhat chu Asia ram hmun hrang hrang fangkuala eizawng \hin a ni a, Australia leh Iran-in lung in tang an inthleng hun atan an hreng nia hriat a ni. A ruala an hren hmeichhe pakhat chu University of Cambridge-a zirlai a ni a, a chungthu rel \hat a la ni ve lo a ni.
Nazanin Zaghari Ratcliffe pasal, Richard Ratcliffe chuan UK Prime Minister Boris Johnson leh First Secretary of State Dominic Raab ten UN-ah Iran chungchang hi ngaihtuah sela a duh thu a sawi a, Iran thil tihdan chu titawp se a duh tih a sawi bawk.
