Zonet zawhna chhangin Pu Lalrinliana Sailo chuan, The Mizoram Maintenance of Household Registers Bill chungchangah hian Larsap a\angin engmah thu dawn a la neih loh thu a sawi a, hemi chungchangah hian Chief Minister hriatpuina-in Larsap hi a be dawn tih a sawi a, bill chungchang hi a sawipui tur thu a sawi.
Speaker chuan, ram danpui-ah Assembly House-a bill pass Larsap hnena pawmpui tura thawnte buaipui a nih dan tur ziah lan a ni, hetah hian Larsap chuan kawng chi 4-in thutlukna a siam thei a, chungte chu pawmpui emaw, pawmpui loh emaw, President pawmpui tura dah emaw, leh state sorkar hnena ngaihtuah \ha leh tura thawn emaw te a ni tih a sawi a, The Mizoram Maintenance of Household Registers Bill, 2019′ chungchangah hian Larsap hnen a\angin engthu mah dawn a la ni lova, President hnena a thawn leh thawn loh pawh an hriat loh thu leh he Bill hi State Assembly-in a Pass-na a rei tawh avangin engtianga kalpui zel tur nge tih chu Larsap hi a zawh tur thu Pu Lalrinliana Sailo hian a sawi.
Kumin March ni 18-a Assembly \hutkhawm khan GAD Changtu Chief Minister, Pu Zoramthanga Bill put luh, The Mizoram Maintenance of Household Registers Bill, 2019′ hi a pass a, hei hi Larsap pawmpui tura thawn nghal ni mahse, tun thlengin Larsap hnen a\angin chhanna a la awm lo a. Hetih lai hian kumin March thlaa Assembly session neih \uma bill pass dangte chu Larsap hian a pawmpui vek tawh a; a hnu thla thum, kumin June thlaa Assembly session-a bill pass-te pawh a pawmpui vek tawh a ni.
Kumin March ni 18-a Assembly House-a The Mizoram Maintenance of Household Registers Bill, 2019 a put luh \um hian Chief Minister, Pu Zoramthanga chuan, \henawm ram a\anga Mizorama dan lova lo lutte chu kum tam tak Mizote tan buaina thlentu an nih tawh avangin, ramria chengte chhinchhiah chu dan loa Mizorama lo lutte zawn chhuahna kawng awlsam tak a nih dawn avangin dan thar hi duan a ni tih a sawi a. He dan hi \ha taka kalpui a nih chuan, dan loa Mizorama lutte’n Mizoram khua leh tui dik takte chanvo an chhuhsak \hin chu a veng thei tura ngaih a nih thu leh vemhimna pawh awlsam leh khauh zawka kalpui a nih theih beisei tih a sawi a ni.
