London lei hnuai rela bomb puaka inhnamhnawiha hriat mi pahnih, police-ten man tawh

0
830
views

Zirtawpni kal taa London lei hnuai rela bomb puaka inhnamhnawiha hriat mi pahnih, police-ten an man tawh. Thuneitute chuan heng mite pahnih – kum 21 mi leh kum 18 mi hi a hran ve ve-a man an nih thu leh, a firfiaka chetna thubuai an siamsak tih an sawi a, an chenna pawh an dap bakah, thurualpui an neih leh neih loh an la chhui mek niin an sawi. London lei hnuai rela bomb tihpuah kha ISIS mi firfiakten an tihah chhal mah se, Britain Intelligence hotute chuan finfiahna a la awm lo niin an sawi thung a ni. Puan tawh angin Zirtawpni khan Parsons Green rel chawlhhmun-ah bomb tihpuah a ni a, bomb hi a siamtuin a ruahman anga a puah loh avangin chhiatna nasa zawk a thleng lo nia ngaih a ni a, mi 30 an hliam a, a tam zawk chu enkawl mek an la ni.