Madhya Pradesh Indore khawpuiah nausen thla 6 mi ruang chhar, pawngsual hnua thah nia hriat a ni

Madhya Pradesh Indore khawpuiah nausen thla 6 mi ruang chhar a ni a, pawngsual hnua thah nia hriat a ni. Police te chuan CCTV thlalak a\anga a lan danin tualthattu hi kum 21 mi, Sunil Bheel a ni a, tukin zing dar 4.45 khan nausen hi a kokia a pu chhuak lai CCTV-ah hian a lang a ni. Post Mortem result a\anga a lan danin nausen hi thah a nih hmaa pawngsual a nih rinhlelh a ni. Nausen ruang hi Rajwada veng, sumdawnna hmun pakhat chhawng hnuai berah chhar a ni tih Indore Dy Inspector General of Police chuan a sawi a, tualthattua puh Sunil Bheel hian nausen hi a nu leh pa bula a mu lai ru chhuakin a khawih ta nia hriat a ni a, Sunil Bheel hi an bul hnaia riak ve tho a ni. Tualthattua puh leh nausen nu leh pate hi baloon zuara eizawng, inhmelhriat tlang an ni tih Police te chuan an sawi. He thil thleng hi Chief Minister Shivraj Singh Chouhan chuan na taka demin, hetiang thil rapthlak hi a thlen tawh lohna turin mitinin kan khawtlang nun enlet-a \an kan lak a \ul a ni a ti a, tualthattu chu man a nih tawh thu leh, a phu tawk hremna pek a nih ngei tur thu a sawi.