Union Minister hlui Yashwant Sinha in BJP a bansan thu a puang

0
582
views

Union Minister hlui Yashwant Sinha in BJP a bansan thu a puang a, rampum huapin mipui rorelna vawnghim tura mipuite zirtirna beihpui thlak a tum thu a sawi.
Patna-ah he thu hi puangin Yashwant Sinha chuan BJP nena an inzawmna zawng zawng a chhu chat vek tih a sawi a, BJP dinhmun a thlirin he thutlukna hi a siam tih a sawi. Yashwant Sinha chuan BJP ni lo party zawng zawng te suihkhawm turin \an a la dawn tih a sawi a, Political party mal zawm a tum loh thu sawiin, hotu nih emaw, dinhmun sang emaw chelh a tum lo tih a sawi. Kum 2014-a BJP in hnehna a chan khan Yashwant Sinha leh hruaitu hlun dang \henkhat, LK Advani pawh tiamin beng hniam an ni a, hei hi party hruaitu atana Modi-a an thlawp loh
vanga phuba lakna chi khata ngaih a ni. Nikum September thla khan Yashwant Sinha hian sorkar sum dinhmun a \hat loh thu leh a hniam zawng zela a kal thu a lo sawi tawh bawk. Atal Hibari Vajpayee hunlai, kum 1998 leh 2004 inkarah khan Yashwant Sinha hian Finance leh External Affairs te enkawlin Minister a lo ni tawh a ni.