Maharashtra-ah Shiv Sena, NCP leh Congress thawk hovin sorkar an siam chuan Ahmedabad leh Mumbai inkara bullet train service tir tum chu a hlawhchham thei dawna hriat a ni.

0
121
views

Prime Minister, Narendra Modi leh Japan Prime Minister, Shinzo Abe ten kum 2017 September thla khan bullet train service tir tura hmalak bul\anna lung an lo phum tawh a, Japanin he project atan hian pung tlem thei ang berin cheng vbc 88,000 India a puk tir a ni.

Bullet train service tirna turah hian a senso tur pumpui cheng vbc nuai 1 leh sang 8 a\anga cheng vbc 5000 chu Maharastra sorkar tum tura dah a ni a, NCP hotu pakhat chuan Maharastra ah Shiv Sena, NCP leh Congress ten sorkarna an siam chuan cheng vbc 5000 hi pe lova, mipui tana thil \angkai danga hman a ni dawn tih a sawi a. Heti hi a nih chuan Bullet train tlantirna tura senso zawng zawng chu central sorkar tum a \ul dawn tihna a ni.

Hetiang boruak karah hian Shiv Sena, NCP leh Congress party te hian sorkar in\awm an siam huna an hmalak dan tur \um tam tak an sawiho tawh a, party pathumte hian Chief Minister chu term pumin Shiv Sena in chang se tih an remti tlang tih Sena party hruaitu Sanjay Raut chuan a sawi.