Maharashtra Environment Minister-in kumin Diwali lawmna-ah halpuah leh halmawi telh lo turin state mipuite a ngen

Maharashtra Environment Minister, Ramadas Kadam chuan kumin Diwali lawmna-ah halpuah leh halmawi telh lo turin state mipuite a ngen. Pu Kadam chuan heng halmawi leh halpuahte hian boruak a tihbawlhhlawh avangin mipuite tan bawk hian a pawi \hin tih a sawi a, an state CM, Devendra Fadnavis pawhin kumin Diwali-a halpuah hal lo turin an zirlaite thu a tiampui tih a sawi. Congress party hruaitute erawh chuan Diwali lai bakin hetiang thil halna hun hi an neih loh thu leh, BJP kaihhruai sorkar hian Supreme Court-in halpuah leh halmawi khap a tum mek chu tihpuitlin tum mah se, a hlawhchham dawn niin an sawi thung a ni. Court sang ber thup>k chungchangah hian BJP hruaitu hrang hrangte ngaihdan pawh a inang lo hle a, halpuah leh halmawi khap an thlawp thu lo sawi tawh, Puducherry Lt Governor, Kiran Bedi leh Union Environment Minister, Dr Harsh Vardhan te pawh BJP mi bawkin nasa takin an lo sawisel tawh a ni.