EC-in Gujarat Assembly inthlan chu December thlaah buatsaih a ni dawn tih a puang

Gujarat Assembly thar dinna tur inthlan chu December thla khian buatsaih a nih tur thu, Election Commission-in a puang a, state Assembly ding lai hi kum thar January ni 22-a tawp tur a nih avangin, December thla chhunga inthlan fel a ngai tih Chief Election Commissioner, Achal Kumar Jyoti chuan a puang a ni. Gujarat BJP erawh chuan inthlan hi kumthara buatsaih pawhin a tlai chuang lo nia sawiin, kuminah kher buatsaih ni lo se an ti a, CEC erawh chuan kumina tihfel a nih tur thu leh, vote thlak hun atan ni khat nge ruat tur a aia tam, tih pawh ngaihtuah a nih tur thu a sawi. Gujarat Assembly inthlanah hian vote thlakna khawl leh VVPAT 75,000 thlun zawm a ni dawn a, puan tawh \hin angin, hei hi vote thlaktu-in a mi duh ngei a vote tih a hriat theih nana a inchhut chhuahna a en theihna tur a ni a, Election Commission chuan Gujarat state sorkar hotute chu inthlan buatsaih dan tur leh a buaipuitu turte pawh lo ngaihtuah \an turin a hriattir a ni. CEC hian Gujarat Assembly inthlan dan tur thlir hmasa turin he state hi ni hnih chamin a tlawh a ni.