Vicky Nagrale hian College zirtirtu hi kum hnih chhung a veh tawh nia sawi a ni a, kar kalta Thawh\annia a hnaa a kal tur chu lo changin a petrol-in a leih a, a hal a ni.
Zirtirtu hi a taksa pum a kan vangin hliam na tak a tuar a, Nagpur damdawi ina kar khat enkawl a nih hnuah a hliam tuar lovin a thi a ni. A thih chhan ber nia Doctor ten an sawi chu septicemic a ni.
A ruang hi police hotute hnenah post mortem tura hlan a ni a, Vikesh Nagrale hi Police ten an man tawh a ni. Zirtirtu chhungte chuan Vikesh hian hun engemaw kalta a\ang khan a tibuai reng niin an sawi.
Vikesh hi nupui leh fapa thla sarih mi nei lai a ni a, Balharshah-a company pakhat a thawk a ni a, nikum khan amah leh amah intihhlum a lo tum tawh a ni.
Zirtirtu a halna hmun Wardha-ah chuan police ten venhimna khauh takin an kalpui nghal a, Wardha-ah hian kar kalta Ningani khan zirlaite chuan an zirtirtu nu thlavang hauhin kawng an zawh a, a haltu chunga na taka hremna lekkawh ngei turin thuneitute an phut a ni.
