Heng mipa te hi kum 30 a\anga kum 35 inkar vel niin, college festival an hmanna gate chu tichhia-in an lut nia sawi a ni a, zu an ruih vangin an pawr hle niin an sawi bawk. Zirlaite chuan an college mipa te an nih loh thu an sawi a, zu an ruih bakah an college campus-ah meizial an zu bawk niin an sawi a, mipat hmeichhiatna lam hawiin mawi lo takin an chhaih a, hmeichhe pakhat hlau chu nikhaw hre lovin a tlu niin an sawi.
Zirlaite chuan Rapid Action Force te pawh campus chhungah an awm vek a, heng mite chetdan hi an thlir liam mai mai nia sawiin, anmahni chhan tuma hmalakna an nei lo tih an sawi a, he thil thleng hi college thuneituten an ngaihtuah zui loh vangin zirlaite chuan an chunga thil thlen dan chu social media-ah an tidarh a, an college-ah lungawi lohna lantir an tum tih an sawi.
College principal Promila Kumar chuan thil thlen dan chu a hunlaia a hriat loh thu sawiin, nam liam mai chi a ni lo va, thil awmdan chu chhui zui a tum tih a sawi a, an college chu venhimna khuah tak hnuaiah awmin, police te, bouncers te leh commando thlengin venghimtu an dah tih a sawi a, chung mite zing a\ang chuan an college campus-a thil thlen dan chu hrilhtu tumah an awm lo niin a sawi bawk.
