Inthlan hmaa \angdun BJP leh Shiv Sena ten hneh taka sorkarna siam theihna khawp MLA nei mahse thuneihna insem dan turah inrem thei lova an in \ha\hen tak avangin Maharastra ah hian sorkar siam thei an awm lo a, President’s Rule hnuaiah dah mek a ni. NCP hotu Sharad Pawar chuan Shiv Sena, NCP leh Congress party \ang hovin sorkar an siam tur chuan term a hman tluan ngei theihna turin thawh ho dan tur ruahmanna an siamfel tih a sawi. NCP hruaitu hlun pakhat chuan sorkar an siam theih thu hi Governor an hriattir thuai dawn tih a sawi bawk.
Hetihlai hian BJP chief minister, kar kalta-a banna thehluttu, Devendra Fadnavis chuan Shiv Sena, NCP leh Congress \ang hovin sorkar an siam anih pawhin thla 6 bak sorkar a ding thei lovang tih a sawi chu chhangin NCP hotu Sharad Pawar hian Devendra chu kum engemawchen a lo hmelhriat tawh nimahse, thil hrilh lawk theihna a nei tel tih erawh a lo la hre ngai lo tiin a beilet a ni.
Maharastra chief minister hlui Sharad Pawar hian \angrual sorkar an din turah hian chief minister in nih chhawk a phut nia hriat a ni a, hetihlai hian Shiv Sena chuan Chief Minister hi term puma an chan turin an nawr ve thung a, NCP hruaitu pakhat chuan Shiv Sena thil phut hi a hlawhtlin a rinawm tih a sawi.
