Maharastra Gadchiroli biala maoist te laka beihpui thlakna kal zelah Mooist mi leh sa 11 te ruang hmuh chhuah a ni

0
230
views

Maharastra Gadchiroli biala maoist te laka beihpui thlakna kal zelah Mooist mi leh sa 11 te ruang hmuh chhuah a ni a, Pathianni a\anga inbeihna-a Maoist thi zat chu 33 an tling tawh a, tun \um hi state sorkarin Maoist te laka beihpui a thlak hlawhtlin ber \um a la ni. Heng Maoist mi leh sa te ruang hi Indravati luia an lo lang chhuak hmuh a ni a, Police te chuan ruang hi hmuh belh inringin an la zawng chhunzawm zel a ni. Heng Maoist mi leh sa, an ruang chhar te hi Pathianni-a inkahna thlenga put chhuak ta te an nih rin a ni tih Gadchiroli police thupuangtu Prashant Diwate chuan a sawi. Pathianni khan Tadgaon bialah darkar 4 zet hel pawlte leh Police te hi an inkap a, inkahna hmunah hian maoist mi leh sa ruang 16 hmuh a ni a, police te chuan hel pawl ten insaseng tuma Indravati lui hleuh kai an tum laiin an zinga tam tak chu an kap fuh tih an sawi. Hel pawl mi leh sa kahhlum te zingah hian an hotu lian tak tak te pawh an tel bakah an zinga 7 chu hmeichhia an ni.

Thawh\anni-a Jimlagatta khuaa inkahna thleng zui lehah pawh Maoist 6 kahhlum an ni leh a, Security Force te chuan a district pum hian tlawh pawh theih lova siamin, hel pawlte hi an la umzui zel a ni.