Toronto hmar lama kawng sira kea kal te, a motor hawh hmanga chil chiamtu nia rinhlelh chu Police ten manin thu an zawtfiah mek

0
378
views

Nimin tuka Toronto hmar lama kawng sira kea kal te, a motor hawh hmanga chil chiamtu nia rinhlelh chu Police ten manin thu an zawtfiah mek a, hetiang mi a pawng chil chiamnaah hian mi 10 an thih bakah mi 15 an hliam a ni. Pawi khawihtu Alek Minassian kum 25 mi hi tunhma lamah pawh pawikhawihna dangah Police ten an lo hmelhriat tawh a, hetianga kawng sira kea kal te a chil chiam mai hi a tih luih ni ngeia hriat nimahse, a chhan dik tak erawh an la hre thei rih lo tih Police te chuan an sawi. Canada Prime Minister Justin Trudeau chuan he thil thleng hian a rilru a ti na takzet tih a sawi a, hetihlai hian pawikhawihtu hian silai a keng ngei nia hriat a nih laia, silai hmetpuak lova man tu Police Officer chuan fak a hlawh hle a ni. Video thlalak CBC News in a tih chhuaha a lan danin pawikhawihtu hian silai kengin Police Officer hnenah hian amah that turin a au a, Officer hian leia bawk turin a au let a, pawikhawihtu hian silai neih thu hrilha a vau let chung pawhin Police officer hian silai hmet puak mai lovin pawikhawihtu hi bawk turin thu a pe a, Police te chuan an man thei ta a ni.