Maldives Court in an president hlui Maumoon Abdul Gayoom leh Chief Justice nilai te chu rorelna dik kenkawhna kawng daltu tiin thiam loh a chantir

0
377
views

Maldives Court in nimin khan president hlui Maumoon Abdul Gayoom leh Chief Justice nilai te chu rorelna dik kenkawhna kawng daltu tiin thiam loh a chantir a, thla 19 chhung Jail tang turin an chung thu a hrem.

Hetianga hruaitu lawk pahnih thiam loh chantirna hi President Abdulla Yameen a’n September thlaa inthlanpui lo awm leh tura kum 5 dang ro a rel leh theihna tura a hmalaknaah ngaih a ni a, sorkar erawh chuan hei hi a pha thung. Mi nuai 4 awrh chenna Maldives hi khualzinte tlawh nasat ram a ni a, kum 2012-a police te helna avanga an ram hruaitu thlan tlin Mohamed Nasheed a bantir anih hnuah politics ah buaina neuh neuh a tawk chho reng a, Nasheed hi kum 2015 khan firfiaka chetna thubuaiah thiam loh chantirin kum 13 tang tura a chungthu rel a ni a, a chungthu rel dan hian sawisel a hlawh nasa hle. An ram hruaitu ni rei ber Gayoom, Chief Justice Abdulla Saeed leh Supreme Court Justice Ali Hameed te chu tunah thiam loh chantir an ni ve leh ta a, thil chhuina atana pawimawh an mobile phon te police hnena hlan duh lova puh an ni. Indian Ocean-a thliarkar ram Maldives-ah hian kumin february thla khan President Yameen-a chuan an ram supreme court in eptu mi leh sa thiam loh chantir an nihna a hnawl avangin ni 45 chhung zet emergency a lo puang tawh a, khami \um khan tuna thiam loh chantir leh tak mi 3 te hi man zingah an tel nghe nghe a, sorkar paihthlak tuma puhna thubuai awrhtir an ni bawk a ni.