North Korea in a nuclear ralthuamte a ti tawp ngei a ni tih a chian hma chuan sum leh paia hrekna hlih a ni dawn lo tih US Secretary of State Mike Pompeo a’n a sawi

0
365
views

North Korea in a nuclear ralthuamte a ti tawp ngei a ni tih a chian hma chuan sum leh paia hrekna hlih a ni dawn lo tih US Secretary of State Mike Pompeo a’n a sawi.

Pompeo hian Seoul-a chanchinbumite a kawmna ah he thu hi a sawi a, President Donald Trump-a leh Kim Jong-un te Singapore-a an inbiak hnuah he thu hi a sawi a ni. Ram pahnih hruaitute hian an inkar boruak \ha siam turin inremna an ziak a, Kim-a chuan a hmaa a lo sawi lawk tawh angin nuclear ralthuam tihtawp ngei a tum thu a nemnghet nawn leh a ni. Inremna hi siam nimahse North Korea in nuclear ralthuam a tih tawp dan tur leh a hmalak dan tur kimchang engmah tarlan tel a nih loh avangin North Korea hian a intiamna hi a tipuitling ngei ang em tih rinhlelhna a lian hle a ni. Trump-a hian rinlawk loh takin South Korea leh US sipaiten sipai nunchan an zirho \hin chu chhunzawm a ni tawh dawn lo tih a puan avangin Inbiakna neih zawh hnu hian Mike Pompeo hian South Korea hi tlawhin US ruahmanna siam dante a hrilhfiah a ni. North Korea media ten US in North Korea a hrekna hlip turin hma a la nghal nia an tarlan chu Mike Pompeo hian thu dik lo a ni a ti a, North Korea in nuclear ralthuam a ti tawp ngei tih finfiahna leh endikna mumal tak neih hmasak US chuan a duh a, hei hi US dinna a la ni reng a ni a ti a, sipai nunchan zir hona tihtawp ni mahse, US, Sough Korea leh Japan te thawh hona chu a ngheh ngaiin a la nghet reng a ni a ti bawk.