Manipur-a rangkachak tlang rukbo chhui zel

0
316
views

Manipur Police-te chuan ni eng emaw zat kalta-a Jiribam district bula motor pakhat atanga rangkachak tawlh ruk, tlang 8 rutu mi pahnih chu man tumin an la chhui mek tih nimin khan an sawi a, rangkachak hi cheng 15,00,00,000 vel hu niin, mi dang pahnihin state danga tawlh ruk an tum nia hriat a ni a, ruk bo a nih chungchangah hian FIR ziah luh ni lo mah se, police-ten intelligence lam atanga thu an dawn an bawhzui mek a ni. Rangkachak hi Asia chhim chhaka ram thenkhat atanga lak niin, ramria insumdawn tawnna hmunpui, Moreh kaltlanga tawlh ruk thin a ni a, Assam Rifles sipaite pawhin India leh Myanmar chhuntu lamlianah rangkachak tlang tum eng emaw zat an lo man tawh a ni. Police-te chuan rangkachak rutute hi rangkachak tawlh ruk lama inhnamhnawihna thuk tak nei an nih an ring a, tuna an chhui mek rangkachak tlangte pawh hi phurh mek a ni tih an hre sa a nih an ring bawk a ni.