Manipur-a Senapati District-ah lei khi avangin chenna in eng emaw zat a chhia

0
286
views

Manipur-a Senapati District-ah lei khi avangin chenna in eng emaw zat a chhia a, thi leh hliam erawh chu an awm lo. Lei khikna hmun hi Maram khaw chhim lamah a ni a, he khuaa in 160 zinga 40 vel chu a bangte pawh a khi nasa hle a, concrete in 10 vel chu luah ngam loh khawpin a chhia tih thuneituten an sawi. Lei khi hi Maram khaw hnaiha lei tlakhniam vang nia hriat a ni a, a bul vela lamlian pawh lei tlahniam hian a tihchhiat nual bakah, Maram leh Peren inkalpawhna lamlian phei chu feet chanve velin a tlahniam tawh a ni. Maram khaw mite chuan lei hnuaiah ruahtui a luh nasat avangin lei hi a khi niin an sawi a, ruah sur lo mah se, nasa takin a min thut thei reng niin an sawi.