Manipur CM hluiin Manipur Development Society hnuaia sum tihchingpen a nih chungchanga a laka FIR thehluh chu politics thila inbeihnaah ngai

0
408
views

Manipur CM hlui, Okram Ibobi Singh-a chuan Manipur Development Society hnuaia cheng vbc.185 leh nuai 97 vel tihchingpen a nih chungchanga a laka FIR thehluh chu politics thila inbeihna niin a sawi a, chanchinbu hnenah, MDS Chairman a nih lai khan cheque pakhatmah a ziak lo a, Loktak dil-a tui lama infiamna hmun sakna tur sum tihchingpen a nih chungchangah hian a inrawlh loh bakah, police-te tana cheng nuai 30 man, kawnghren tlo lo tak tak lei chungchangah leh BJP kaihhruai sorkarin thubuai dang chhui chian a tumah pawh inhnamhnawihna a nei lo niin a sawi. Manipur Development Society hi Loktak dil-a tui lama infiamna hmun sakna atan cheng vbc. 185 leh nuai 79 hman phalna pek a ni a, he sum hi tihchingpen nia sawi a ni a, Manipur Police-te chuan hemi chungchang an chhui \an tawh a, MDS thuneitu, Yambem Ningthem-a chenna in chu dap a ni tawh a, he thila inhnamhnawiha rinhlelh dangte chenna in pawh dap a ni leh dawn nia sawi a ni. Tun thla ni 1 khan state CM hlui leh eptu pawl hruaitu, Okram Ibobi Singh, Chief Secretary pathum leh MDS administrative officer, S Ranjit-a te lakah FIR theh luh a ni a, Police-te chuan he thil nena inkungkaihna nei, file pawimawh eng emaw zat an hmu tawh nia hriat a ni.