Maoist hel pawl hruaitu kaphlum

0
887
views

Telangana leh Chhattisgarh inrina bulah sipaite leh Maoist hel pawlte an inkap a, hel 12 kahhlum zingah, an hruaitu langsar tak, Hari Bhushan pawh a tel tih police-ten an sawi. Thuneitute sawi dan chuan Maoist hel pawl do tur bika din, Telangana leh Andhra Pradesh Greyhounds police te bakah, Odisha, Chhattisgarh leh Maharashtra police-te tangrualin, ramri hrul-a hel pawl awmte dap chhuah beihpui an thlak a, tukin khan helte nen an innangching a, an inkap zui ta a ni. Police-te chuan an inkahna-ah hian sipai pathum an hliam thu leh damdawiinah enkawl mek an nih thu an sawi bawk a, hel an kahhlum takte hi an nihna hriatchian an tum mek thu leh, an hruaitu dang pawh an tel nia an hriat thu te an sawi bawk.