Live Update|March 30|Covid-19 chungchang thu thar lakkhawm

0
984
views

He live blog hi tihtawp a ni tawh a, March ni 31 live blog en duh tan:
https://www.zonet.in/march31-covid19-liveblog/


12:36 AM
Andaman-ah positive case 10 chhinchhiah a ni a, an zinga 9 chu Nizamuddin punkhawmnaa tel ve an ni

12:15 AM
Mizoram: Mahni khua emaw, state emaw, nilova tangkhang mek (hnathawk, inhlawhfa leh zin veivak tiamin) 1977 an awm, Aizawl District chhungah mi 579 tangkhang an awm a, Siaha District chhungah mi 350, Champhai District chhungah mi 99, Kolasib District chhungah mi 697, Serchhip District chhungah mi 47, Mamit District chhungah mi 174, Khawzawl District chhungah mi 1, Hnahthial District chhungah mi 30 tangkhang an awm mek a, Lunglei leh Lawngtlai District-ah an awm lo a thung a ni

12:14 AM
Mizoram: Sorkar siam Quarantine Facility 111 a awm tawh a, a vaiin mi 2150 leng tura ngaih a ni a, tun dinhmunah mi 563 dah luh an ni tawh a, heng zinga mi 29 chu chhuah an ni leh tawh a ni

12:13 AM
Mizoram: Vawiin (March ni 30) chhun dar 12 thleng khan Vairengte Screening Site chauh screen thar an nei a, mi 133 screen an ni. Vawiin thlenga mi screen tawh zawng zawng chu 61363 a ni a, heng zinga 200 chu Quarantine Facility-ah dah an ni a, mahni in lama inkhunghrang tura tih 2449 an awm tawh a ni.

12:12 AM
Mizoram: Vawiin chhun dar 12 thleng khan COVID-19 test turin sample 44 lak a ni tawh a, pakhat chauh positive a la awm a ni.

12:07 AM
COVID-19 hri lêng vangin National Testing Agency chuan exam hun hrang hrang a sawn. Exam hun sawn zawng hi NCHM, IGNOU hnuaia Ph.D. leh MBA, ICAR, JNUEE. UGC-NET, CSIR-NET leh AIAPGET te a ni.

12:07 AM
Ministry of Health and Family Welfare-in Covid-19 do kawnga hmanrua leh bungraw mamawh tura ngaih dinhmun heti hian a sawi;

  1. Personal Protection Equipment (PPE) ram chhungah tam thama siam chhuah tumin hma lak mek zel a ni a, tun dinhmunah company 11-in an siam chhuak thei tawh a, PPE nuai 21 siamchhuak turin hna an ṭan tawh a, ni kahtah PPE 6000 leh 7000 inkar vel zel siam chhuak ang an ni. Ramchhung hmun hrang hrangah PPE hi nuai 3.34 vel hman lai a awm a, sorkar laipui chuan 60,000 vel a sem chhuak tawh bawk a, Indian Red Cross Society-in China aṭanga PPE 10,000 a chah thlen sem darh mek a ni a, inrinni lo awm turah hian PPE nuai 4 vel a lo thlen beisei mek a ni bawk a, Singapore leh South Korea aṭangin Ministry of External Affairs chuan PPE tam zawk chah belh a tum mek bawk a ni
  2. N95 hmaituamna siam thei ram chhungah pahnih an awm tawh a, ni khatah 50,000 zel an siam chhuak a, hei aia tam siam chhuak thei tur hian ruahmanna an nei tawh a, Defence Research and Development Organization pawhin mi hrang hrang thawhpuiin ni khatah N99 hmaituamna 20,000 vel an siam mek bawk a ni. Sorkar laipui chuan ni hnih kalta chhung khan hmaituamna nuai 5 a sem tawh a, vawiin (March 30) khan nuai 1.40 a sem leh bawk a, Singapore aṭanga PPE lo thleng tur hian hmaituamna nuai 10 a chhawm dawn bawk a ni.
  3. Covid-19 veiten thawk lamah harsatna an neih ṭhin avangin Ventilator inrin reng a ngai a, sorkar laipui chuan Covid-19 veite enkawlnaa hman theih tur ventilator 14,000 chu ramchhung hmun hrang hrangah a awm tih a finfiah tawh a, tun dinhmunah chuan Covid-19 vei zingah mi 20 aia tlemin ventilator hi an hmang mek a ni. Ventilator hi Noida-a Agva Healthcare chuan 10,000 a siam mek a, ningani aṭang hian sem chhuah ṭan theih an in beisei tawh a, Bharat Electronics Limited company chuan lirthei siamtu company hrang hrangte nen ṭangkawpin ventilator hi an siam ve dawn bawk a ni. Hetih lai hian sorkar laipui chuan ventilator siam ṭhin company hrang hrang a dawr mek bawk a, Ministry of External Affairs pawhin China aṭangin ventilator 10,000 lei a tum mek bawk a ni.

11:44 PM
BREAKING: Khawvel pumah Coronavirus vanga thi zatin 35,000 a kai tawh

11:36 PM
Delhi Nizamuddin-a mosolman inkhawm chhimtu zawng zawng a rang thei ang bera sorkar hnena inhriattir turin Telangana CMO-in a ngen

11:31 PM
Lawngtlai Bawrhsap, Pi Shashaka Ala, IAS chuan Lawngtlai District huam chhunga Executive Magistrate atan Pu H. Vanlalbiakzauva, MCS chu a ruat thar

10:59 PM
Delhi Nizamuddin-a mosolman inkhawm chhimtu zing ami 6 chu an thi tih Telangana sorkar-in a sawi

10:10 PM
US Dollar laka India pawisa hlutna pawisa 70-in tlahniam a, US Dollar 1 hi cheng 75.59 hû a ni mek

9:53 PM
AirTel-in an pre-paid customer zawng zawng hnenah talktime cheng 10 a pe a, validity nei daih lo zawng zawng April ni 17 thleng a pawhsei sak

9:12 PM
Kerala: Kum 85 chuang ve ve tawh nupa tuak khat chu Covid-19 kai hnuah enkawl dam an ni

9:05 PM
Delhi: Nizamuddin-a mosolman inkhawm huaihawttu, an sakhaw hruaitu pakhat lakah thubuai siam turin Delhi sorkar-in police a hriattir

8:38 PM
DRDO-in damlo pakhat aia tam enkawl thei ventilator hlawhtling takin a enchhin: DRDO chairman Satheesh Reddy

8:14 PM
Punjab-in April ni 24 thleng lockdown a pawtsei a, state ramri a khar

8:10 PM
Delhi Nizamuddin-a cheng mi 250 Covid-19 test an ni tawh

8:08 PM
Mumbai khawpuiah Covid-19 postive 47 chhinchhiah belh a ni

8:05 PM
J&K: Bandipora district-a khaw 4 chu red-zone ah puan a ni a, tlawh pawh phal a ni rih lo

8:03 PM
Delhi: lockdown chungchanga harsatna neite tan Delhi Police helpline number 23469526

7:32 PM
Karnataka sorkar-in in lama inkhunghrang tura tih zawng zawngin ni 14 chhung nitin ‘selfie’ thawn turin a ti

7:03 PM
Home Ministry-in mi tangkhang zawng zawngte awmna tur leh an ei leh in ngaihtuah sak turin District zawng zawng bawrhsap-te a ti

6:57 PM
Covid-19 test phalna Rajeev Gandhi Centre for Biotechnology, Kerala pek a ni

6:49 PM
Delhi Nizamuddin-ah mi 175 Covid-19 test an ni

6:48 PM
Maharashtra: COVID-19 hri thihpui reng reng ruang hal ral tura tih a ni a, hei hian eng sakhua pawh a huam vek a ni

6:45 PM
Go-Air Flight No. G8-298, Guwahati leh Aizawl inkara tun thla (March) ni 16-a chuang zawng zawngte karleh Thawṭanni, April ni 6, 2020 thleng mahni chenna ina in khunghrang (home quarantine) chhunzawm tura hriattir an ni

6:45 PM
Uttar Pradesh: Meerut-ah COVID-19 case 6 chhinchhiah belh a ni

6:43 PM
PM-KISAN hnuaia hamṭhatna dawng thei, loneitute zawng zawng hnenah cheng 2,000 pek tur Union Finance Minister-in a lo puan tawh chu Mizoram sorkar pawhin a kalpui ve nghal a, loneitu mi 40,890-te account-ah cheng 8,17,80,000 a chhunglut

6:42 PM
Vistara chuan March ni 22-a Mumbai leh Goa inkar thlawk thlawhnaa chuang zingah COVID-19 positive hmuh a nih avangin he thlawhnaa chuang ve zawng zawngte inkhung hrang turin a ngen

6:41 PM
Maharashtra: Hrik thahna hlo kah chungchangah tualchhung thuneitute ruahmanna chauh hman tur a ni

6:36 PM
Bihar: Mi 800 thisen test an ni tawh a, heng zingah hian 15 an positive tawh

6:30 PM
Mizoram: Covid-19 patient awm chhun dinhmun a la ngai a, a BP leh lung phu a ṭha a, khawsik a la nei deuh bawk a, naktuk (thawhlehni, March 31) hian blood test tih nawn leh a ni ang

6:23 PM
Karnataka-ah Covid-19 case thar 5 chhinchhiah belh a ni

6:22 PM
Europe: COVID-19 vanga thi zatin 25,000 a pel

6:15 PM
Tokyo Olympics chu kum thar, 2021 July thla tawp lama neih turin sawn fel a ni

6:10 PM
Kumpinu fapa, Prince Charles chu kar khat Covid-19 a kai tih hmuhchhuah a nih hnuah enkawl dam a ni a, vawiin khan a inkhunghran pawh a titawp a ni

6:07 PM
BSNL leh MTNL pre-paid SIM card hmangte tan April ni 20 thleng validity pawhsei a ni a, Talktime cheng 10 man pek vek an ni bawk

5:42 PM
Israel PM hnuaia thawk zing ami Covid-19 a positive vangin an ram PM Benjamin Netanyahu chu a inkhunghrang

5:38 PM
Hmun lum/sa lutuk emaw, mei hnaihah sanitizer hman loh tur a ni

5:36 PM
Uttar Pradesh: COVID-19 case chhinchhiah zat 88-ah a chho a, mi 14 enkawl dam an ni tawh

5:31 PM
Delhi Deputy CM Manish Sisodia chuan Nursery atanga Pawl 8 zirlai zawng zawng an pawl kaisan tir an nih tur thu leh pawl 12 zirlaite tan online-a class an chhim theihna tur an ruahman tih a sawi

5:27 PM
Delhi sorkarin ration card nei lo hnenah pawh ration pek a ni dawn: Arvind Kejriwal

5:24 PM
Greater Noida, Uttar Pradesh-ah postive case 4 hmuh belh a ni a, an zinga 3 chu chhungkhat an ni

5:21 PM
Railway Board-in rel pindan 5000 chu isolation ward atan cheibâwl a ni tawh tih a sawi

5:05 PM
SAD-a MR Driver, Pu K Vanlalnunpuia’n a thla khat hlawh Cheng 15,800 COVID-19 dona kal zela hman atan an pe

5:05 PM
Pachhunga University College Principal leh Staff-te’n an ni khat hlawh tlingkhawm cheng 6,25,760 Health Minister kaltlangin COVID-19 dona kal zela hman atan an pe

5:05 PM
Mizoram Civil Service Association-in an nikhat hlawh tlingkhawm cheng 6,30,650 CM Relief Fund-ah an chhung

5:15 PM
A pu te hunlai atang tawha Mizoram-a lo khawsa tawh, sipai huaisen tangkapui pawh lo dawng tawh, Brig. BS Gill, Vir Chakra chuan CM Relief Fund-ah cheng 1,00,000 a pe

4:30 PM
Zokhawthar: Ramri khar vanga India leh Myanmar inkalpawhna lei-a inkhuar, tuilairapa awm te chu nizan khan Mizoram-ah lakluh an ni. Heng mite an vaiin mi 28 an ni a, an zinga 2 chu inrinni kalta (March 28, 2020) zan khan lakluh hmasak an ni a, a dang 26 chu nizan khan lak luh an ni ve leh a, an zinga 3 chu Zokhawthar Custom Station-ah khunghran rih an ni a, 25 chu Keifangtlanga District Panchayat Resource Centre-ah khunghran an ni thung a ni. Puan tawh angin heng mite hi ramri khar a nih hnuah Myanmar atangin an lo kir a, inkalpawhna khar a nih avangin lei-ah hian awmhmun an khuar lailawk a, Ministry of Home Affairs-ah thlen a nih hnuah, nizan khan hruai luh an ni ta a ni.

4:25 PM
Mamit District Level Task Force pawh an Chairman/Bawrhsap Dr. Lalrozama, IAS hovin an thukhawm a, ei leh bar chungchang bakah hrileng laka kan him zel dan tur an thlirho. Mamit-ah hian thlai thar chuangliam awm lo mahse hmun hla tak atanga lakluh ngai lovin, Darlak, Bawngva, Dampui leh Phaizau khuaa thlai thar zuarte hnen atangin mipui mamawh an phuhruk theih beisei a nih thu tarlan a ni a, Bazar hawng lovin mipui nitin mamawh phuhruk dan tur ruahmanna hrang hrang kalpui mek a ni bawk

4:20 PM
Serchhip District Level Task Force te chu an Chairman/Bawrhsap Pu H Dolianbuaia, MCS hovin an ṭhukhawm a, an hmalak mekna hrang hrang an thli ho. Serchhip district-a hnam dang tangkhang mekte zawn chhuah kim an ni tawh a, Company hnuaia thawkte pawh tlawh chhuah vek an ni tawh a, an mamawh an lamkhawm ve theihna atan phalna siamsak an nih bakah, chen lailawkna nei lo te tan pawh ruahmanna fel tak siam a ni

4:15 PM
Serchhip District Magistrate chuan Sorkar laipuiin ruahmanna a lo siam tawh angin heng mite hi Incident Commander atan a ruat a ni.

|1| Kulothungan A, 9943739336, SDO(C), Thenzawl – Thenzawl Town, Buangpui, Neihloh, Zote ‘S’, Kanghmun ‘S’
|2| C. Lalduhzuali, 8413058436, SDO (Sadar) Serchhip – Serchhip – III, Serchhip – VI, Serchhip – VII
|3| Vanlalhmachhuana, 9862237347, Election Officer, Serchhip – Keitum, Bungtlang, Thinglian, Hmunzawl, Rullam, Lungpho, Ngentiang, Serchhip IV, Serchhip- VIII
|4| Dorothy Muansangi, 9774066872, SDO(C), N. Vanlaiphai – N. Vanlaiphai, Lungkawlh, Sialsir, Bawktlang, Lungchhuan
|5| H. Lalhruaitluanga, 8131852226, BDO, E. Lungdar Block – E. Lungdar, Mualcheng, Leng, Sailulak, Khawlailung, Piler, Chawkawn
|6| Samuel Zodinsanga, 9862409765, SDC Serchhip – Hriangtlang, Serchhip – I, Serchhip – II, Serchhip – V
|7| Denny Lalchhuanawma, 8787708157, SDC Serchhip – Chhingchhip, Chhingchhip Mualpui, Buhkangkawn, Baktawng, Chhuanthar Tlangnuam, Khumtung, Hmawngkawn, Hualtu, New Serchhip North, New Serchhip South
|8| C. Zadailova, 9436154116, DCSO Serchhip – Chhiahtlang, Khawbel, Hmuntha, Thentlang, Sialhau, Vanchengte

4:10 PM
Serchhip District chhungah nitin mamawh phurtu lirthei ten an hman theih turin chaw ei na leh workshop ṭhenkhat inhawn tir an.
Chaw Ei Na

  1. SERCHHIP – Serchhip Hotel, Sailiam Kawn, Contact: 8415262934/936641433 – Maduhi
  2. THENZAWL (VACHA DIL) – Sangpuii Hotel, contact: 8787829321
  3. KHUMTUNG – Dinmawia Hotel, Contact: 9366520959 – Tlanmawia
  4. KEIṬUM – Five Sister Hotel, a neitu: Zosangliani, Contact: 8415843087 – Zosangliani
  5. TUICHANG HOTEL – (Keiṭum – N. Vanlaiphai Road), contact: 8730964633 – Hmangaihsangi

Workshop

  1. NEW SERCHHIP SOUTH (near IOC) – Bawla Workshop, contact: 7085073445
  2. THENZAWL VENGTHLANG – Azoa Workshop, contact: 8259906422
  3. KEIṬUM – Keiṭum Puncture Work, contact: 8258882847 – CV Lalneihmawia

4:10 PM
FCS&CA Minister Pu K Lalrinliana’n Bairabi Rail Station-a Labour Association Office leh Bairabi PHC a tlawh a, hnathawkte hman tur Mask leh Sanitizer a pe.

4:10 PM
FCS&CA Minister Pu K Lalrinliana’n Kolasib District Hospital-a hman tur PPE 150, N95 Mask 150, Shoe Cover 150, 3 Ply Mask 400 leh COVID-19 chungchang hriattur inziahna leaflet thahnem tak District Medical Superintendent hnenah a hlan a, Kolasib bial chhunga Village Level Task Force 17 hnenah Cheng 10000 theuh leh Hand Sanitzer eng emaw zat a pe

4:08 PM
Madhya Pradesh-ah COVID-19 vei enkawl lai pakhat a thi

4:06 PM
State 6-ah mi 25-in COVID-19 an thihpui leh a, Positive Case 106 a awm belh bawk

3:59 PM
Health Ministry-in COVID-19 kai nia rinhlelh emaw, finfiah tawh emaw, an awmna hmun sawn a ṭul thulha inkaihhruaina a ruahman

3:56 PM
PM Modi-an ram chhung hmun hrang hranga pawl hrang hrangten midangte pui tura an inpekna chu a chhuan thu leh Hnam Pa Mahatma Gandhi pawhin hei hi a ngai pawimawh thin hle tih a sawi

3:46 PM
Iran: COVID-19 vanga thi 117 an awm belh a, he rama thi zat chu 2750 a tling tawh a ni

3:44 PM
Afghanistan aṭanga hruai haw India khua leh tui 35 chu Delhi thlenpui an ni a, khunghran nghal an ni

3:41 PM
Spain-ah darkar 24 chhungin COVID-19 thihpui mi 812 an awm belh a, he rama COVID-19 thihpui zat chu 7340 a tling tawh

3:39 PM
Kashmir-ah postive case 4 chhinchhiah belh a ni a, a vaiin 45 chhinchhiah a ni tawh

3:21 PM
India khua leh tui, Iran aṭanga hruai haw pakhat, Jodhpur-a Army Quarantine Facility-a awm lai pakhat chu a test a positive tih hmuhchhuah a ni

3:14 PM
Uttar Pradesh: Bareilly bawrhsap-in bus chuangte hrik thahna hloa phuh chungchangah a mawhphurtu hrem a nih tur thu a sawi

3:04 PM
India: Vawiin-ah COVID-19 thihpui 3 an awm belh leh a, case thar 52 chhinchhiah belh a ni tawh

2:50 PM
Maharashtra-in ni thum chhungin tang 600 chuang a chhuah lailawk tawh

2:31 PM
Uttar Pradesh-a haw tum inhlawhfa ṭhahnem tak te chu Bareilly Bus Terminal-ah hrik thahna hlo hmangin phuh an ni a, mi ṭhenkhatin an dem hle

2:25 PM
Thuthang Dik Lo: Indian Army-in emergency a puang dawn | A puang dawn lo

2:16 PM
Pune-ah COVID-19 patient kum 52 mi a thi

1:50 PM
Human Resources Development Board Vice Chairman, Lengteng MLA Pu L. Thangmawia chuan a bial chhunga damdawiin 4-ah tanpuina pawisa a sem a, Ngopa CHC-ah cheng 20000, Mimbung PHC-ah cheng 15000, NE Khawdungsel PHC-ah cheng 15000, Kawlkulh PHC-ah cheng 15000

1:49 PM
Union Finance Minister Nirmala Sitharaman chuan ramchhung hmun hrang hrang ATM leh bank hrang hrangin hna khaihlak lovin an thawk tih a sawi

1:34 PM
Lirthei siamchhuaktu company-te ventilator siam tura ngen an ni a, hna an tan tawh tih sorkar laipuiin a sawi

1:26 PM
Health Ministry: MEA kaltlangin PPE kit nuai 10 chah belh a ni a, nitin 6000 atanga 7000 vel chawk luh thin a ni a, ramchhungah PPE kit siam thei an awm tawh

1:20 PM
Goa: Virus test-na atan ICMR-in laboratory phalna a pe

1:06 PM
Tamil Nadu-ah case thar 17 chhinchhiah a ni

12:45 PM
Delhi: Sakhaw thila pungkhawm mi 200 thuneitute’n an khunghrang

11:40 AM
Ram pum huap COVID-19 helpline thar sorkar laipuiin a siam a, toll-free number 1075 emaw 011-23978046 ah biak pawh theih reng a ni

11:30 AM
Uttar Pradesh-ah thudik lo thehdarh vangin mi 4 man an ni a, thubuai siam sak an ni. Heng mite hian WhatsApp leh Facebook-ah bus service tur a awm dawn nia an sawi avangin man an ni

11:28 AM
Andhra Pradesh-ah coronavirus case thar 2 chhinchhiah a ni a, state chhinchhiah zat chu 23 a tling tawh

11:26 AM
South Korea: Coronavirus case 78 chhinchhiah belh a ni

11:25 AM
Iran-ah COVID-19 vanga thite phumna tur indaih loh avangin harsatna an tawk ṭan, thlanmual ṭhenkhatah chuan mitthite hi virus hlauh vangin an phum ngam lova, hei vang hian mitthi dahkhawmna in a khat chak hle a ni

11:20 AM
Kashmir-a Coronavirus kai hmasa ber chu hun eng emaw chen enkawl a nih hnuah nimina a thisen test-ah a negative

11:13 AM
Khawvel pumah coronavirus kai dam leh mi 151000 chuang an awm tawh

11:12 AM
Delhi-a Lok Nayak damdawiinah nizan khan COVID-19 kai rinhlelh mi 85 admit an ni.

10:22 AM
Ram pumah confirmed case 1153 a awm tawh a, heng zinga 1023 chu enkawl mek an ni a, 102 enkawl dam an awm tawh a, thi 28 an awm tawh bawk

10:00 AM
Darkar 12 kalta thlenga Mizoram district hrang hranga sorkar-in Quarantine Facility a siama mi awm zat:
Aizawl District – 164
Champhai District – 8
Hnahthial District – 33
Khawzawl District – 19
Kolasib District – 125
Lawngtlai District – 21
Lunglei District – 13
Mamit District – 3
Saitual District – 10
Serchhip District – 52 (Isolation Facility ah mi 3 dah luh an ni)
Siaha District – 27

A vaiiin 498 an ni

9:55 AM
Rajasthan-ah coronavirus positive 5 chhinchhiah belh an ni a, he state-ah hian positive mi 59 an awm tawh a ni

9:46 AM
Singapore-ah coronavirus case 42 chhinchhiah belh a ni a, heng zinga 3 chu India khua leh tui an ni

9:40 AM
Bengaluru-ah lockdown bawhchhia lirthei 282 man a ni tawh

9:39 AM
Madhya Pradesh-ah coronavirus positive 8 chhinchhiah belh an ni

9:31 AM
TB damdawi, Bacillus Calmette-Guerin (BCG) chu coronavirus lakah a hman tlak dawn leh dawn loh Melbourne-ah enchhin a ni

9:22 AM
Lockdown hun chhung pawh se a ni dawn nia sawi chu thu dik tawk lo a ni tih sorkar laipui hotuten an sawi

9:13 AM
France-in coronavirus vanga thi mi 292 a neih belh a, he rama thi zawng zawng hi 2606 a tling tawh a ni

9:09 AM
West Bengal-ah coronavirus vanga thi mi pakhat a awm belh