COVID-19 hrilêng laka tar leh kum upa zawkte in enkawl dan tur Health & Family Welfare-in thurâwn a pe

0
824
views

H&FW Ministry chuan tar leh kum upa lamte tan COVID-19 laka inven theih dan tur inkaihhruaina hetiang hian a siam.

COVID-19 hrilêng laka tar leh kum upa zawkte in enkawl dan tur Health & Family Welfare-in thurâwn a pe

Khawvel huapin COVID-19 hian nunphung a nghawng nasain a darhzau zel a, sorkar laipuiin a darh zel tur venna atan ruahmanna tam tak a nei chung hian, mitinin hri darh zel tur hi kan veng thei a ni.

Kum upa leh tar zawkte tan COVID-19 hi a hlauhawm zual hle a, an taksa chak tawk loh avang leh taksa in natna hrik a do theihna a chak tawk tawh loh vang a ni a, zunthlum, thisen sang, kal tha lo (Chronic Kidney Disease) leh chuap lam natna nei sa chu fimkhur lehzual tur a ni.

A hnuai ami hi TIH TUR a ni

  1. Inah awm tur. Inleng neih loh tur. Inhmuh loh theih loh a nih chuan meter khat tala inhlatin awm tur a ni.
  2. Sahbawn-in kut sil for tur a ni a, hmai pawh phih ṭhin tur a ni.
  3. Hahchhiau leh khuh dawnin rawmawl emaw, tissue paper hman thin tur a ni a, paih emaw suk nghal tur a ni. Rawmawl leh tissue paper a awm loh chuan kiu thlepin mahni bân kara hmai leh kâ thupin hahchhiau/khuh tur a ni.
  4. Tui in tam tur a ni a, taksa tichak thei ei leh in, chhum/chhuan so ngei ei/in tur a ni.
  5. Taksa insâwizawi a, rilru tih hah loh tur a ni.
  6. Damdawi ei lai reng reng a hun taka ei ziah tur a ni.
  7. Phone emaw, video-in emaw râla chhungte awm biakpawh fo tur a ni a, a ṭul chuan an puihna pawh dil mai tur a ni.
  8. Inzai (mit thai pawh tiamin) reng reng tih rih loh tur a ni.
  9. Kutlâwnga thil khawih tam thil reng reng hrik thahna hlo hmanga tihfai fo tur a ni.
  10. Mahni hriselna chik reng tur a ni a, khawsik leh khuh emaw, thawk lama harsatna neih chuan a rang thei ang berin in entir tur a ni.

A hnuai ami hi TIH LOH TUR a ni

  1. Hmai khuh lovin emaw, mahni kut lâwngah hahchhiau/khuh loh tur a ni.
  2. Khawsik leh khuh emaw, thawk lama harsatna neih chuan midangte hnaih loh tur a ni.
  3. Mahni mit, hnar leh lei khawih loh tur a ni a, hmai khawih loh a him ber.
  4. Damlo bulah awm rih loh tur a ni.
  5. Mahni thuin damdawi ei loh tur a ni.
  6. Midang chibai lo leh tawk loin awm tur a ni (chhungte pawh).
  7. Hunbi neia in entir ṭhin pawh chhuah lo hram hram tur a ni a, a theih chuan râl aṭangin doctor-te rawn tur a ni.
  8. Puipunna hmun (intawllena, bazar, biakin)-ah kal rih loh tur a ni.
  9. A ṭul tawpkhawk a nih loh chuan mahni in chhuahsan loh tur a ni.