Meghalaya-a Independent MLA pahnihin BJP zawm

0
471
views

Meghalaya Assembly-a Independent-a ding, Congress party kaihhruai sorkar thlawptu MLA pahnihin BJP an zawm. Nimin khan State CM, Mukul Sangma-a sorkara parliamentary secretary pahnih- Justine Dkhar leh Robinus Syngkon te chu New Delhi-ah BJP President Amit Shah, hmarchhak biala BJP National General Secretary in-charge Ram Madhav leh Assam Finance Minister leh North East Democratic Alliance Chairman, Himanta Biswa Sarma bakah party hruaitu dangte hmuh laiin BJP member atana lak luh an ni a, BJP Vice President JA Lyngdoh chuan MLA pahnihin BJP an zawm chu lawmawm tih thu sawiin, hei hian nakkum neih tur Assembly inthlanah nasa takin party a pui dawn tih a sawi a, state-ah hian BJP thlan tlin a nih loh chuan hmasawnna chhenfakawm a awm thei dawn lo tih hi mipuiin hria se a duh tih a sawi bawk. Puan tawh angin, state assembly inthlan hi nakkum February leh March thla inkara neih tura ruahman a ni.