Meghalaya-a lungalhthei lakchhuahna hmun chimah hnathawk tang mi 13 chhanchhuah tuma beih mek a ni.

Chhanchhuah hna thawk tur hian National Disaster Response Force leh State Disaster Reponse Force leh sipai a\angin mi 1000 vel tirh an ni a, lawng leh crane leh tui pump-na khawl te hmangin hnathawk tangte hi an zawng mek a ni. Puan tawh angin lungalhthei lakchhuahna hi tlang pang verha puk laih chawp a ni a, Lytein lui bul hnaih takah awmin lui tui hian a chîm hnuah a puk hi a chim zui a, a chhunga hnathawk lai mi 13 chu an chhuak hman ta lo a, puk hi feet 320 vela thuk a ni a, a chhunga tui lut hi feet 70 vela thuk a ni tawh tih thuneitute chuan an sawi a, dum leh lungalhthei nawi a tam avangin chhanchhuah hna hi duh anga chaka thawh theih a ni lo tih an sawi bawk.