Vawiin hi Deputy PM hmasa ber, Vallabhbhai Patel-a thih cham a ni a, Gujarat-a amah hriatrengna lim, Statue of Unity tlawhin President Ramnath Kovind-a’n a sunna hun a hmang.

Kovind hian Kevadia-ah rel chawlhhmun siamna tur lung a phum nghal a, he rel chawlhhmun hi Statue of Unity kal pawhna atana tih a ni a, kum khat chhungin km 32-a thui rel kawng thar sial tum a ni a, President hi Gujarat larsap Om Prakash Kohli leh State CM Vijay Rupani leh Union Railway Minister Piyush Goyal te’n an \awiawm a ni. Puan tawh angin Statue of Unity hi khawvela milim sang ber a ni a, feet 597-a sang a ni a, kumin October ni 31 khan PM Narendra Modi-a’n a hawng a ni.