Mexico-a inkahna thleng pahnihah mi 18 thi

0
482
views

Mexico rama Guerrero state-a inkahna thlengah mi 11 an thi. Acapulco khawpui bul, La Concepciona tualchhung ven himna kawnga inthurual-te leh a mi chengte inkara buaina chhuak avangin inkahna hi nimin khawvar hma khan a thleng niin thuneitute chuan an sawi a, helai vela cheng mi pakhat chu tualchhung vengtute hian hren an tum avangin buaina hi a chhuak nia hriat a ni a, helaia cheng mi 8 kah hlum an nih hnuah, sipai leh police tirh an ni a, khaw vengtute hian police hi an lo dodal avangin, 3 kah hlum leh an ni. He thil thlengah hian police-te chuan tualchhung vengtu mi 30 vel an man tawh tih an sawi. Acapulco hi Mexico rama khawpui lar ber pakhat a ni a, dan leh hrai zah loh avang leh opium avanga lar a ni deuh ber a, tualchhung misual rual inkarah pawh buaina a chhuak fo a ni. Kum 2014-ah pawh khan he state-a Iguala-a college zirlai leh zirtirtu 43 chu Police ten an man hnuah an bo a, Police ho hian ruihhlo zuarte hnenah an pe nia sawi a ni a, tun thleng hian an la bo a ni.

Inrinni zanah pawh khan San Jose del Cabo-ah inkahna a thlen avangin mi 7 an thi bawk a, ralthuam keng emawzat, motora vei kualin pawi an khawih a, an motor-ah hian US-a California state licence plate a inbel niin an sawi.