Fakselna 8th January, 2018

0
794
views

Ei rawngbawlna gas man, sem apianga a danglam ziah hi company rawn tihdanglam ani thei em? En fiah a va ngai ve, enfiah thei chuan enfiah thuai a \ha hle mai.
9612238063
————–

Mihring hi hmasawn thei leh hmasawn zel tura siam leh din kan ni a. Nihna hre chiang chu an kang zawt zawt a, nihna hmang thiam lo chu an hniam tial tial mai a ni.
RK Sanga
————

Kum dangah kha chuan, Ni za inhlawhna tia kan lam mai \hin kha, Krismass dawn te khan kan nei \hin kha a nia. Nikumah khan a kum tluanin kan inhlawh tam ta lo mai a. Eng vang ber nge niang aw? Pu Modi-a sorkar khan \ha a tiin a hmaa aia uar zawka tih zel tur khan a sawi si a. Mizoram sorkar pachhe tak hian a tum ve tur a nei lo zawk em ni ang le?
Thingtlang putar ril\am
—————

A bik takin Chakma chungchangah hian Congress hi an demawm tehreng nen, an la inpe zeuh zeuh leh nghal a, an mak ngawt mai! Ram leh hnam hmangaihna hi chu sawi ni lovin, a tak a ni zawk e. Sawia inhmangaih siak a ni lo. Vote bank-a hmangtu Party i hnawl ngam ang u.
SANGA
—————

Kan Zoram mamawh chu Pathian tih lohah chuan Nu leh Pa \ha, chhungkua leh fate enkawlna kawnga inthurual, fate hlau lo, duat sual lo, an dik lohnaah pawh \an tlat mi ni lo, fate bula kawppuite rel ching lo, an fel lohna zep tlat ngai lo, nu, mahni pasalte aia fing zawka inngai lo leh Pa, in chhung khura ngawi ngul lo, mahni mawhphurhna hria hi an ni. Nu leh paten kum tharah hian rilru thar nen bul i \an ang u hmiang. Kan ram neih chhun siam \ha tur hian kan chhungkua hi kan pawimawh ber tih i hre thar ang u.
8414897552
—————

Mizoram supply buhfai thiarna kawng, Rengtekawn to Bairabi hi khaw \hat lai chuha siam vat vat ava \ha em! Hun a liam zel si a, kan siam hman lo leh mai ang tih a hlauhawm tak zet a ni.
Observer
————-

Ailawng Middle School Hindi Teacher hi a bang tawh em ni?
8014159218
—————-

Kawngpuia motor dah phal lo-a Garage nei vek tura huaisen hmel taka thupek chhuahtute kha khawiah nge an awm tak? An thupek zawm duh lotute chungah eng action tak nge an lak tak, hriat a va chakawm em! Lek kawh leh ngam si loh thu rorum pui pui hi chhuah tawh loh tawp chi a ni zawk lo maw? Thu petute khan min han chhang teh se.
9436149233
—————-

Tun hnai maia Police Constable hna lak chu Congress Bhavan zuan khum tih lam ni tawh lovin Home Minister, Pu Zira amah mimal taka zuan khum a harsa a ang hle mai. Armed veng hi veng malkhai-ah chuan a tling hnem ber veng an niin a lang. Pu Zira hian \halai hna zawng mekte, ruihhlo-a buai lo, rilru thianghlim tak pute rilru hi engzat tak tina ang maw!
Hming thup
———-