Mexico Durango State khawpui a\anga khualzin phur thlawhna thlawk chhuak chu a thlawh chhuah atanga rei lo teah a tla a, a chhunga chuang te an dam khaw chhuak vek.

He thlawhnaah hian khualzin 103 leh thawktute an chuang a, thi an awm lo a, an zinga 97 te chuan hliam an tuar thung. State Governor Jose Rosas Aispuro chuan thlawhna hi thli na takin lei lamah a beng thut a, thlawhna thla vei lamin lei hrut hmasa in a engine a hrut tla zui ta tih a sawi a, khualzin tam zawkte hi hmun him lama an insaseng hnuah thlawhna hi a kang zui nghal a ni. Airline chief executive Andres Conesa chuan thlawhna captain pawh hliam zingah a tel tih a sawi a, a nunna tana hlauhthawnawm erawh a ni lo tih a sawi. Aeromexico Flight Am2431 hi Guadulupe victoria International Airport a\anga thlawk chhuak a ni a, Airport thuneitute chuan thlawhna hi khaw chhe hnuaiah rial sur vanglaiin a thlawk chhuak a, rikrum thila \um leh tuma a beihnaah a chesual ta niin an sawi thung.